REVOLUTIONARY GOVERNMENT OF ZANZIBAR

MINISTRY OF AGRICULTURE, IRRIGATION, NATURAL RESOURCES AND LIVESTOCK

TAARIFA YA TAASISI YA UTAFITI WA MIFUGO (ZALIRI)


60% Complete (warning)
Photo

UTANGULIZI

Taasisi ya Utafiti wa Mifugo Zanzibar (Zanzibar Livestock Research Institute– ZALIRI), ilianzishwa tarehe 12 May, 2017 kwa Hati ya Sheria (Legal Notice) Nam. 45, ya tarehe 12 Mei, 2017.

MAKAOMAKUU YA TAASISI

Makao Makuu ya Taasisi ya mifugo ipo katika kijiji cha Dole umbali wa kilometa 15 kutoka Mjini, wilaya ya magharibi “A” mkoa wa Mjini Magharibi. Ofisi ndogo ipo chamanangwe Pemba kijiji cha Kiuyu Wilaya ya Wete.

MANTIKI YA KUANZISHWA TAASISI

Sekta ya Mifugo nchini imechangia asilimia 2.8 ya pato la Taifa kwa mwaka 2018. Sekta hii inayo uwezo mkubwa zaidi wa kuchangia katika uchumi wa nchi yetu, kupunguza umaskini na kuimarisha uhakika wa chakula na lishe bora, isipokuwa inakabiliwa na changamoto nyingi za maradhi, malisho, chakula duni cha mifugo, masoko n.k. Kutokana na changamoto hizi, Serikali imeona ipo haja ya kufanya marekebisho ya Mpango Mkuu wa Utafiti wa Kilimo kwa kuimarisha tafiti za kilimo na mifugo. Kutokana na hilo, imeanzishwa Taasisi hii ili kuzipatia ufumbuzi changamoto za sekta ya mifugo kwa kusimamia utafiti na kubuni teknolojia za kisasa zitazoleta maendeleo ya sekta ya mifugo na kukuza mchango wake katika uchumi wa nchi yetu.

Uanzishwaji wa Taasisi umeelekezwa katika mipango ya maendeleo ya Zanzibar. Zanzibar Research Agenda 2015-2020, MKUZA III, Vision 2020 na Ilani ya Uchaguzi ya CCM 2015-2020, ambazo zimeelekeza mikakati muhimu ya kuendeleza utafiti katika Sekta ya mifugo. Aidha, tangu ilipoanzishwa mwaka 2017, Taasisi imetekeleza majukumu mbalimbali na kupiga hatua katika kufanya tafiti zinazotatua changamoto za mifugo sambamba na kuimarisha miundombinu ya Taasisi.

  • Dira ya Taasisi – Kuwa na taasisi yenye ubora wa kimataifa katika utafiti wa mifugo.
  • Dhamira ya Taasisi - Kuzalisha na kukuza teknolojia, maarifa, na ubunifu endelevu wa sekta ya mifugo kwa ustawi wa Zanzibar.
  • Lengo la Taasisi - Kuchangia katika kukuza uchumi kwa kuendeleza sekta ya mifugo nchini kwa njia ya utafiti na kubuni teknolojia za kisasa na kuzipeleka kwa wadau.

MAJUKUMU YA TAASISI

Taasisi ya Utafiti wa Mifugo Zanzibar ina majukumu yafuatayo:-
  • Kuratibu na kusimamia masuala ya maendeleo ya utafiti katika sekta ya mifugo nchini;
  • Kubuni teknolojia za kisasa za mifugo zenye uwezo wa kuongeza uzalishaji wa mifugo bila kuharibu mazingira na kuzifikisha kwa walengwa;
  • Kuendeleza na kuanzisha vituo vya utafiti katika maeneo maalum ya mifugo;
  • Kutoa mafunzo ya utafiti wa mifugo kwa wadau wa utafiti;
  • Kufanya majaribio na maonesho ya technolojia mpya za uimarishaji mifugo na kukinga maradhi;
  • Kuanzisha na kukiendeleza kituo cha taarifa za tafiti za mifugo na kuchapisha makala katika majarida mbalimbali ya tafiti za mifugo, vitabu, magazeti na ripoti za tafiti kwa kila mwaka;
  • Kuweka vipaumbele vya tafiti za mifugo na kuratibu tafiti zote za mifugo
    • zinazofanywa katika taasisi binafsi, taasisi za kijamii, sekta binafsi, jumuiya za wafugaji na watafiti kutoka nje ya nchi;
  • Kubuni sera za utafiti wa mifugo na matumizi ya teknolojia za mifugo nchini;
  • Kushirikiana na taasisi za hapa nchini, za kikanda na za kimataifa, pamoja na wadau wengine katika kufanya tafiti zinazohusiana na maendeleo ya mifugo.